Հայաստանի վերաբերյալ որոշումը պետք է ընդունվի ողջամիտ ժամկետներում․ ՀԱՊԿ գլխավոր քարտուղար
Հայաստանի վերաբերյալ որոշումը պետք է ընդունվի ողջամիտ ժամկետներում․ ՀԱՊԿ գլխավոր քարտուղար
Հավաքական անվտանգության պայմանագրի կազմակերպությանը (ՀԱՊԿ) Հայաստանի մասնակցության հետագա հեռանկարների վերաբերյալ որոշումը պետք է ընդունվի ողջամիտ ժամկետներում։ Այդ մասին ռուսական լրատվամիջոցներին հայտնել է կազմակերպության գլխավոր քարտուղար Թաալաթբեկ Մասադիկովը։
«Ելնում ենք նրանից, որ Հայաստանի՝ ՀԱՊԿ-ին մասնակցության հեռանկարների վերաբերյալ որոշումը պետք է ընդունվի ողջամիտ ժամկետներում»,- ասել է Մասադիկովը։
Ավելի վաղ ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը հայտնել էր, որ կազմակերպության մարմիններում Հայաստանի ձայնի իրավունքից հնարավոր զրկումը կպահանջի բոլոր անդամ պետությունների համաձայնությունը։ Ըստ նրա, այս հարցը, հավանաբար, կքննարկվի երկրների ղեկավարների կողմից ՀԱՊԿ Հավաքական անվտանգության խորհրդի հերթական նիստում, որը կանցկացվի Մոսկվայում նոյեմբերի 11-ին։
Ռուսաստանի արտաքին գործերի նախարար Սերգեյ Լավրովը հունիսին հայտարարել էր, որ Հայաստանի կողմից անդամավճարների չվճարման պատճառով ՀԱՊԿ-ը կքննարկի կանոնադրության այն դրույթի կիրառման հնարավորությունը, որը կարգավորում է իր պարտավորությունները չկատարող պետությունների նկատմամբ գործողությունները։
ՀԱՊԿ-ի կազմում ընդգրկված են Ռուսաստանը, Բելառուսը, Հայաստանը, Ղազախստանը, Ղրղզստանը և Տաջիկստանը։
