Կոլումբիան կփակի իր դեսպանատները 15 երկրում.
Կոլումբիան կփակի իր դեսպանատները 15 երկրում
Կոլումբիայի նորընտիր նախագահ Աբելարդո դե լա Էսպրիելան հայտարարել է, որ պետական ծախսերի կրճատման շրջանակում կփակվի առնվազն 15 դեսպանություն՝ աշխարհի տարբեր երկրներում, այդ թվում՝ Ադրբեջանում:
Կոլումբիայի դեսպանությունները կփակվեն Ալժիրում, Կուբայում, Չեխիայում, Եթովպիայում, Գանայում, Հայիթիում, Հունգարիայում և այլ երկրներում: Նոր առաջնորդը նաև հաստատել է, որ կդադարեցնի Պաղեստինում կոլումբիական դեսպանատուն բացելու գործընթացը։
Նախագահը նշել է, որ դիվանագիտական ներկայացուցչությունների փակման գործընթացը կսկսվի իր պաշտոնը ստանձնելուց հետո:
Աբելարդո դե լա Էսպրիելան հաղթել է այս տարվա հունիսին Կոլումբիայում կայացած նախագահի ընտրությունում։ Պաշտոնապես նա պետության ղեկավարի պաշտոնը կստանձնի օգոստոսի 7-ին։
