Ֆրանսիայի խորհրդարանը հավանություն է տվել մինչև 15 տարեկան երեխաների համար սոցցանցերի օգտագործման արգելքին՝ դառնալով նման սահմանափակում ընդունած ԵՄ առաջին երկիրը։
Օրենքի համաձայն՝ 2026թ․ սեպտեմբերի 1-ից մինչև 15 տարեկան երեխաները չեն կարողանա նոր հաշիվներ ստեղծել սոցցանցերում, իսկ գործող հարթակները պարտավոր կլինեն չորս ամսվա ընթացքում փակել այդ տարիքային խմբի գործող հաշիվները և կիրառել տարիքային ստուգման մեխանիզմներ։
Նախաձեռնության նպատակն է ուժեղացնել երեխաների պաշտպանությունը համացանցում և նվազեցնել սոցցանցերի հնարավոր բացասական ազդեցությունը նրանց առողջության վրա։
Օրենքի վերջնական ուժի մեջ մտնելը դեռ պետք է հաստատվի Ֆրանսիայի Սահմանադրական խորհրդի կողմից, ինչպես նաև գնահատվի դրա համապատասխանությունը ԵՄ օրենսդրությանը։
