Լևոն Լևոնյանը լքում է Երևանի ավագանին․ նա կշարունակի աշխատանքը որպես ԱԺ պատգամավոր։
Հարգելի՛ հայրենակիցներ, տեղեկացնում եմ Ձեզ, որ Հայաստանի Հանրապետության Ազգային ժողովի պատգամավորի մանդատը ստանձնելու կապակցությամբ դադարեցնում եմ աշխատանքս որպես Երևանի ավագանու անդամ։
Կարծում եմ, որ որպես Ավագանու անդամ՝ հնարավորինս արդարացրել եմ համաքաղաքացիներիս սպասելիքները։ Ճի՛շտ եք, կան նաև բազմաթիվ չլուծված և ընթացիկ խնդիրներ, որոնց իրագործմանը՝ Ձեր իսկ պատվիրակման շնորհիվ, մշտապես հետամուտ եմ լինելու, արդեն որպես պատգամավոր։
Ինչպես նաև շուտով կդադարեցնեմ Բնապահպանության և ընդերքի տեսչական մարմնի ղեկավարի տեղակալի լիազորություններս։
Շնորհակալ եմ բոլոր գործընկերներիս՝ Երևանի քաղաքապետին, ավագանու անդամներին, ԲԸՏՄ ղեկավարին, քաղաքապետարանի և ԲԸՏՄ բոլոր աշխատակիցներին՝ ձեռք բերված մեծ փորձառության, աջակցության և վստահության համար։
Սիրելի՛ ընկեր, սա մի նոր պարտավորություն և պատասխանատվություն է, որը կրկին բարեհաջող տանելու և հաղթահարելու ենք միասին։
Ծառայում եմ Հայաստանի Հանրապետությանը։
Հարգանքով՝ Ձեր Լեւոն Լեւոնյան:
