Ուկրաինան հարվածել է Ռուսաստանի վերջին խոշոր նավթավերամշակման գործարանին
Ուկրաինական անօդաչու թռչող սարքերը հարձակվել են Օմսկի նավթավերամշակման գործարանի վրա, որը Ռուսաստանի ամենահզորն է և 10 խոշորագույն նավթավերամշակման գործարաններից վերջինը, որը դեռևս չէր տուժել անօդաչու թռչող սարքերի հարձակումներից։
Տարեկան 22 մլն տոննա հզորությամբ այրվող գործարանի կադրերը հրապարակել են Exilenova+ և Supernova+ մոնիթորինգային ալիքները: Օմսկի մարզի նահանգապետՎիտալի Խոցենկոն հայտնել է, որ տարածաշրջանում խոցվել են «թշնամու անօդաչու թռչող սարքեր», հարձակման հետևանքները «ճշտվում են»: Ռոսավիացիանառաջին անգամ հայտարարել է Օմսկի օդանավակայանում սահմանափակումների մասին, որը Ուկրաինայի սահմանից 2500 կմ է հեռու:
Աղբյուրները պնդում են, որ անօդաչու թռչող սարքերը Օմսկի նավթավերամշակման գործարանում հարվածել են ELOU-AVT-11 նավթի առաջնային վերամշակման կայանին՝ տարեկան 8,4 միլիոն տոննա հզորությամբ, որն ապահովում է ձեռնարկության հզորության մոտ 40%-ը: Ականատեսներիխոսքով՝ գործարանի վրա հարձակվել է 7 դրոն, և դրանցից ոչ մեկը չի խոցվել։
Օմսկի նավթավերամշակման գործարանին ուղղված հարվածը նման գործարանների վրա իրականացված մի շարք հարձակումների շարքում ամենաուժեղն էր: Այն ռուսական նավթավերամշակման արտադրությունը 2000-ականների սկզբից ի վեր հասցրեց ամենացածր մակարդակին, և Կամչատկայից մինչև Կալինինգրադի մարզ ընկած շրջանները կանգնեցին վառելիքի ճգնաժամի առաջ։
