2025 թվականի ընթացքում շուրջ 307 հազար կանչ է սպասարկել շտապբուժօգնությունը. Գրիգորյան
Շուրջ 307 հազար կանչ է սպասարկել շտապբուժօգնությունը 2025 թվականի ընթացքում, ինչը մոտ 3 %-ով ավելի է եղել 2024 թվականի համեմատ, ասուլիսի ասաց «Շտապբուժօգնություն» ՓԲԸ տնօրեն Ռուբեն Գրիգորյանը։
«Շտապբուժօգնություն» ՓԲԸ-ն 1 տարում ձեռք բերել է 7 նոր մեքենա` լիզինգով։ Մեքենաներից մեկը ռեանիմոբիլ է՝ հագեցած արհեստական օդափոխության սարքով։
«Ձեռք է բերվել նաև էլեկտրական անվասայլակ, որը շատ դեպքերում օգնում է, երբ հիվանդին ցուցված չէ պառկած տեղափոխել։ Անվասայլակը արդեն կիրառվել է տարբեր քաշային կարգի մարդկանց տեղափոխելու համար, նույնիսկ 200 կգ քաշ ունեցող անձի»,–ասաց նա:
