Երևանի քաղաքապետարանի շինարարության և բարեկարգման վարչության պետի ժ/պ Անդրանիկ Թևոսյանը ներկայացրեց 2025 թվականին շինբարեկարգման ոլորտում Երևանի քաղաքապետարանի կողմից իրականացված մի շարք ծրագրերը.
Շահագործման են հանձնվել բարեկարգված մանկապարտեզներ
Բարեկարգվել են 18 մանկապարտեզների բակեր,
Օպերայի շենքն ունի գեղարվեստական նոր լուսավորություն,
Հիմնանորոգվել է Աճառյան փողոցի վերջնամասից դեպի Աբովյանի Ճանապարհային ոստիկանության հենակետ ճանապարհահատվածի արտաքին լուսավորության ցանցը,
Ընթանում են դեպոյի հիմնանորոգման աշխատանքները,
Կառուցվել է 551 թեքահարթակ,
Բուսաբանական այգում կառուցվում է «Կյանքի պուրակ»,
Կառուցվել է 3 այգի. Սուրբ Սարգիս եկեղեցու հարակից այգի, Դավթաշենի կենտրոնական այգի, Վերածննդի այգի,
Միջին նորոգման աշխատանքներ՝ 15,9 կմ,
Փոսային նորոգման աշխատանքներ՝ 200.000 քմ,
Ճաքալցման աշխատանքներ՝ 527.000 գծմ,
Իրականացվել են Մատենադարանի հարակից թեք լանջից քարաթափումների կանխարգելման աշխատանքներ:
