Կասկադի նախագծի իրականացման հարցը այսօր պաշտոնապես հաստատվելու է. Տիգրան Ավինյան
Կասկադ համալիրի անավարտ հատվածի վերակառուցման ծրագիրը կքննարկվի այսօր Կառավարության նիստում։
Այս մասին իր Տելեգրամ ալիքում գրել է Երևանի քաղաքապետ Տիգրան Ավինյանը:
Կասկադի անավարտ հատվածում Երևանի քաղաքապետարանի համար կառուցվելու է մոտ 36000 քառ.մ կոմպլեքս, որը ունենալու է 1000 տեղանոց հանդիսությունների դահլիճ, թանգարանային հատված, հասարակական հատվածներ։ Հարակից հատվածում Երևանի քաղաքապետարանը հնարավորություն է տալու կառուցել 125-135 հզ քառ.մ բիզնես նպատակներով կոմպլեքս։
Հուսով եմ 4-5 տարում վերջնական կունենանք ավարտական Կասկադի նախագիծը։
