Իրանը հերքել է Հայաստանում իր դեսպանին ուղղված Բաքվի մեղադրանքները
Բաքվում Իրանի դեսպանատունը հերքել է ադրբեջանական ԶԼՄ-ների կողմից ՀՀ-ում ԻԻՀ դեսպանի հասցեին հնչեցրած մեղադրանքները։
Դիվանագիտական գերատեսչությանհայտարարության մեջ ասվում է․ «Ադրբեջանական կայքի կողմից Հայաստանում Իրանի դեսպանի հասցեին հրապարակված մեղադրանքները՝ «Լեռնային Ղարաբաղի անջատողականներին աջակցելու առաքելության» կամ Հայաստանի կառավարությանը ռազմական աջակցություն ցուցաբերելու վերաբերյալ, բացարձակապես անհիմն և կեղծ են»:
Հիշեցնելով Արցախյան հակամարտության խաղաղ կարգավորման գործընթացին աջակցելու Իրանի Իսլամական Հանրապետության սկզբունքային դիրքորոշումը՝ դեսպանությունըհայտարարել է, որ հիշյալ լրատվական կայքի բովանդակությունը հեղինակի ենթադրյալ շահարկումներն են», – գրում է իրանական լրատվամիջոցը:
