Գերմանիայից Հայաստան օդային ճանապարհով ներմուծվել են տոհմային երինջներ:
Հրապարակվել է: 19:19, 30 Սեպտեմբեր 2026
Գերմանիայից Հայաստան են օդային ճանապարհով ներմուծվել հոլշտեյն ցեղատեսակի տոհմային երինջներ։ Սա Հայաստան տոհմային խոշոր եղջերավոր կենդանիների օդային ճանապարհով ներմուծման առաջին դեպքն է։ Այս մասին տեղեկացնում են ՀՀ էկոնոմիկայի նախարարությունից:
Տոհմային բարձրարժեք կենդանիների ներմուծումը ՀՀ էկոնոմիկայի նախարարության կողմից իրականացվող տավարաբուծության զարգացման ծրագրի կարևոր ուղղություններից է։ Նախարարության կողմից իրականացվող ծրագրերի շրջանակում Հայաստան արդեն ներկրվել է 2,785 գլուխ տոհմային խոշոր եղջերավոր կենդանի։
