Ձեր առաջնորդի անգրագիտությունը մի փորձեք փակել Շառլով և Սարոյանով․ նա հայերեն էլ, ռուսերեն էլ նորմալ չի խոսում. Ռուբեն Ռուբինյան
ԱԺ փոխխոսնակ Ռուբեն Ռուբինյանը «Ֆեյսբուք»-ի իր էջում անդրադարձել է Սամվել Կարապետյանի հայերեն նորմալ չխոսելու վերաբերյալ վերջինիս թիմակիցների մեկնաբանություններին։
Ռուբինյանը տեսանյութ է հրապարակել՝ վերնագրելով․ «Քանի՞ գիրք կամ քանի՞ երգ է գրել կալուգացի օլիգարխը»։
«Ասում են՝ հա ինչ անենք, Շառլ Ազնավուրն ու Վիլյամ Սարոյանն էլ նորմալ հայերեն չէին խոսում։ Սիրելի՛ տարօրինակ մարդիկ, նախ՝ Շառլ Ազնավուրն ու Վիլյամ Սարոյանը նորմալ խոսում էին հայերեն, արևմտահայերեն էին խոսում, բայց կարող էին նաև չխոսել․ նրանք ծնվել էին արտերկրում, երկրորդ՝ սերնդի գաղթականներ էին, բայց խոսում էին։ Նրանք երկուսն էլ նաև շատ լավ խոսում էին ֆրանսերեն և անգլերեն, իսկ ձեր օլիգարխը ծնվել է Հայաստանում, մեծացել է Հայաստանում, դպրոց գնացել է Հայաստանում, բուհ ավարտել է Հայաստանում, բայց, միևնույնն է, նորմալ հայերեն չի խոսում, ավելին՝ նորմալ ռուսերեն էլ չի խոսում»,- ասել է Ռուբինյանը։
