Երևանի քրեական ոստիկանները պարզել են, որ մի խումբ անձինք իրենց մոտ ապօրինի զենք են պահում
Երևանի քրեական ոստիկանները պարզել են, որ մի խումբ անձինք իրենց մոտ ապօրինի զենք են պահում
SHAMSHYAN.com-ի տեղեկություններով՝ ապրիլի 2-ին ապօրինի պահվող զենք-զինամթերքի բացահայտման դեպք է տեղի ունեցել Երևանում։ ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Քանաքեռ-Զեյթունի բաժնում ՀՀ Քննչական կոմիտեի Երևան քաղաքի քննչական վարչության Քանաքեռ-Զեյթունի քննչական բաժնից տեղեկություն է ստացվել, որ ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության թմրամիջոցների ապօրինի շրջանառության դեմ պայքարի բաժնում իրականացված օպերատիվ-հետախուզական միջոցառումների շնորհիվ պարզվել է, որ մի խումբ քաղաքացիներ ապօրինի կերպով ձեռք են բերել զենք-զինամթերք և իրենց մոտ ու գրանցման հասցեներում պահում են զենք-զինամթերք։
Ինչպես հայտնում է ֆոտոլրագրող Գագիկ Շամշյանը, ըստ ստացված տեղեկությունների այդ քաղաքացիներն են Երևանի բնակիչներ «Ցլիկ Հայկո» մականվամբ 26-ամյա Հայկազ Հ․-ն, «Քյարամիկ» մականվամբ 33-ամյա Քյարամ Ա․-ն, «Բջե» մականվամբ 64-ամյա Վարդան Հ․-ն, «Սևո» մականվամբ 49-ամյա Արմեն Մ․-ն, «Ուֆայի Գևոր» մականվամբ 44-ամյա Գևորգ Գ․-ն, «Բաքսիոր» մականվամբ 43-ամյա Սուրեն Խ․-ն, 37-ամյա Մհեր Պ․-ն, «Արծոյի տղա» մականվամբ 33-ամյա Արթուր Ա․-ն, «Քանաքեռցի չոփ» մականվամբ 56-ամյա Արթուր Թ․-ն, 35-ամյա Գարիկ Ա․-ն և 54-ամյա Արթուր Թ․-ն։
