«Շատ ուժեղ հանձնառություն կա խորացնելու Եվրոպական Միության հետ կապերը, մենք ողջունում ենք Հայաստանի հաստատուն հանձնառությունը խորհրդարանների միջև»։
Այս մասին Ստրասբուրգում վարչապետ Նիկոլ Փաշինյանի հետ հանդիպման ժամանակ ասաց Եվրոպական խորհրդարանի նախագահ Ռոբերտա Մեցոլան:
«Մեր պարագայում կա քաղաքական երկխոսություն, ավելին՝ անվտանգության, առևտրի, տարածաշրջանային կապակցվածության ոլորտներում մենք իսկապես ուզում ենք խորացնել մեր համագործակցությունը: Հայաստանի հետ մեր հարաբերությունները էապես ավելացել են, մեր հայ բարեկամների վերջին ամիսների հանձնառությանը համահունչ մենք շարունակելու ենք խորացնել մեր հարաբերությունները․ ահա թե ինչու էինք ուզում վարչապետին հրավիրել այստեղ:
Սա առաջին քայլն է մեր մանդատի շրջանակում: Մի քանի ամիս առաջ մենք որոշումը կայացրինք Մոլդովայում գրասենյակ բացել, որը պետք է ամբողջ արևելյան գործընկերության տարածաշրջանով զբաղվի, այդ թվում՝ Հայաստանը ընդգրկի»,- ասաց նա:
