Մենք՝ որպես պետություն, բավարար չափով լրջացել ենք, շնորհավորում եմ բոլորիս այդ կապակցությամբ. վարչապետ տեսանյութ
««Ես շատ ուրախ եմ ու գոհ, որ այդ որոշումները կայացրել եմ, որովհետև այդ որոշումն է, որ ինձ հնարավորություն է տալիս «պերաշկի» ուտելու»:
Այս մասին Կառավարության նիստի ընթացքում ասել է վարչապետ Նիկոլ Փաշինյանը՝ խոսելով պարգևավճարների մասին:
«Իմ կարծիքով՝ պետական կառավարման համակարգը սկսեց շատ ավելի մոտիվացված աշխատել, երբ մենք նախորդ տարվա մարտից ու ապրիլից սկսեցինք քննարկել արդյունքի վրա հիմնված վարձատրության համակարգը ներդնելու մասին: Մարտից սկսած՝ մեր ամբողջ պետական կառավարման համակարգն արդեն գիտեր, որ վարձատրության համակարգ է փոխվելու:
Որպեսզի ընդդիմադիրները շատ չչարչարվեն (դե զգում եմ, որ տերմինաբանությունների մեջ շատ չեն կողմնորոշվում), նշեմ, որ ես հիմա խոսում եմ պարգևավճարների համակարգի մասին, այն համակարգի, որը միլիոնավոր դրամներ է բաշխում պետական պաշտոնյաների միջև:
Ես գիտեմ, որ երկրում ինստիտուցիոնալ կայացման ավելի բարձր մակարդակ կա, համակարգը մոտիվացված աշխատում է: Մենք՝ որպես պետություն, բավարար չափով լրջացել ենք, շնորհավորում եմ բոլորիս այդ կապակցությամբ»,- նշել է նա:
