Ընդունել եմ Մարիան Ֆլորեանի գլխավորած պատվիրակությանը, որը ներկայացնում էր Ռումինիայի քաղաքային կառավարիչների ասոցիացիան. Արմեն Փամբուխչյան

 Երևանի քաղաքապետի առաջին տեղակալ Արմեն Փամբուխչյանն ընդունել է Ռումինիայի քաղաքային կառավարիչների ասոցիացիայի նախագահի գլխավորած պատվիրակությանը։ 

Մարիան Ֆլորեան ղեկավարում է մի կազմակերպություն, որը միավորում է Ռումինիայի ավելի քան 700 քաղաքային կառավարիչների:  

Քաղաքապետի առաջին տեղակալը ներկայացրել է Երևանի զարգացման առաջնահերթությունները՝ ընդգծելով ենթակառուցվածքների արդիականացման, թվային գործիքների ներդրման և կառավարման թափանցիկության բարձրացման ուղղությամբ իրականացվող քայլերը։