Սննդամթերքի անվտանգության տեսչական մարմնի ղեկավարի տեղակալ է նշանակվել Արա Եղոյանը.
Հարգելի՛ հայրենակիցներ,
ՀՀ վարչապետի որոշմամբ նշանակվել եմ ՀՀ Սննդամթերքի անվտանգության տեսչական մարմնի ղեկավարի տեղակալ։
Ստանձնելով այս պատասխանատու պաշտոնը՝ հավաստիացնում եմ, որ իմ աշխատանքային պարտականությունները կիրականացնեմ բարեխղճորեն և պատասխանատվությամբ՝ ի շահ համազգային նպատակների իրականացման և հայրենիքի հզորացման։ Կպահպանեմ Հայաստանի Հանրապետության Սահմանադրությունն ու օրենքները և հավատարիմ կմնամ պետական ծառայողի բարձր առաքելությանը։
Շարունակական վստահության համար շնորհակալություն եմ հայտնում ՀՀ վարչապետ Նիկոլ Փաշինյանին և իմ թեկնածությանը հավանություն տված բոլոր պատասխանատու պաշտոնյաներին։ Գիտակցում եմ ոլորտի կարևորությունն ու պատասխանատվության բարձր աստիճանը և համոզված եմ, որ պետական վերահսկողության արդյունավետ իրականացումը հնարավոր է միայն պրոֆեսիոնալ, թափանցիկ և համախմբված թիմային աշխատանքի շնորհիվ։ Համագործակցության և փոխադարձ վստահության մթնոլորտում շարունակելու եմ ծառայել մեր պետության և քաղաքացիների շահերին։
Հարգանքով՝
Արա Եղոյան
