Օրերս շրջիկ կրկեսը Վեդի համայնքի Գոռավան բնակավայր էր եկել, իհարկե՝ գաղտագողի։ Շրջել են նախկին գյուղապետի այգիներում, ինչպես նաեւ ինքնակամ կառուցված սառնարանային տնտեսությունում։
Գյուղատնտեսության զարգացման, մթերման կայանների ստեղծման մասին կենացների մակարդակի խոսակցություններից զատ, լավ կլիներ «ուժեղ հոպարի» տղան նախկին գյուղապետին հարցներ, - ո՞րն է Ձեր հարստանալու հաջողության գաղտնիքը, պարոն Բազիկյան։ Տեսնենք տեսախցիկների առաջ ի՞նչ էր պատասխանելու։ Բնականաբար նման հարց չէր հնչելու, քանի որ Բազիկյանի կայծակնային հարստանալը համընկնում է Նարեկի «ուժեղ պապայի» եւ ՀՀԿ իշխանության կառավարման տարիների հետ։
Իհարկե, Բազիկյանը այժմ Հակակոռուպցիոն կոմիտեի քննիչի աշխատասենյակում ստիպված է պատասխանել այս անհարմար հարցերին։ Իսկ այդ հարցերը հետեւյալն են.
- Այդ ինչպե՞ս ստացվեց պրն. Բազիկյան, որ ձեր գյուղապետ աշխատած տարիներին համայնքապատկան հարյուրավոր հեկտար (ավելի քան 700 հա.) հողերի կազմակերպված աճուրդներում հաղթող էին դառնում ձեր որդին, կինը, եղբայրը եւ այլ մտերիմ ազգականներ։ Ինչպե՞ս ստացվեց, որ դուք՝ ստանալով գյուղապետի աշխատավարձ, դարձաք ավազի եւ տրավերտինի հանքերի տեր։ Իսկ վերջում մեզ կասե՞ք, թե ինչ ճարպիկ մեխանիզմով էիք մարում ձեր ջիպի գույքահարկը։
Իմ խորհուրդը «ուժեղիկներին». Ձեզ նոր հեծանիվ հայնագործել պետք չի, իզուր մի ընկեք դաշտերով ու այգիներով, մի վարձեք բիզնես խորհրդատուներ, ընդամենը ձեր մոտ կանչեք Բազիկյանի պես նախկին ճարպիկ գյուղապետերին եւ իրենք ձեզ ԱՆՎՃԱՐ թրեյնինգ կանեն։
#գյուղապետի_ձեւով
Գարիկ Սարգսյան
