ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը «Ֆեյսբուք»-ի իր էջում գրառում է կատարել՝ նշելով իշխող կուսակցության գլխավոր ու կարևոր ձեռքբերումները:
«1. Հայաստանի անկախությունից ի վեր առաջին անգամ 24 ամիս և ավել սահմանին զոհ չունենք։
2. Պատմության մեջ առաջին անգամ Հայաստան է այցելել ԱՄՆ փոխնախագահը։
3. Ամերիկյան տեխնոհսկա ընկերությունը Հայաստանում մինչև 4 միլիարդ դոլարի ներդրում է պատրաստում՝ ԱԲ «գործարան» հիմնելու համար։
4. Առաջին անգամ Հայաստանի պատմության մեջ 65 տարին լրացած անձինք ստանում են անվճար առողջապահություն։
5. Գրեթե օրական ռեժիմով նորակառույց դպրոց կամ մանկապարտեզ է բացվում։
6. Սահմանամերձ գյուղերում պետության ֆինանսավորմամբ հազարավոր տներ են կառուցվում։
7. Վերջին 5 տարում միջին տնտեսական աճը եղել է 7.9%, ինչն աշխարհի լավագույն ցուցանիշներից է։
8. Վերջին 7 տարում Հայաստանում ստեղծվել է 300 հազարից ավել նոր գրանցված աշխատատեղ։
9. Վերջին տարիներին առաջին անգամ արտագաղթի փոխարեն ունենք ներգաղթ։
10. Խաղաղություն է։
Ու հենց էս պահին վրա են հասնում «փրկիչները» ու սկսում փրկել։ Մեկը կրկեսում ներկայացում է տալիս, մյուսը տապան է կառուցում, էն մեկի թիմն էլ Հայաստանով ընկած գնացքի ռելս է ման գալիս, որը սա չի ծախել, որ հետը նկարվի»,- գրել է Ալեքսանյանը:
