Մենք ելք չունենք քան անձամբ մասնակցել համապետական ընտրություններին․ Ավետիք Չալաբյան
Անկեղծ ասած՝ առաջ ընկնելով, ասեմ հետևյալը․ Մենք առաջիկա համապետական ընտրություններին ինքներս կմասնակցենք որպես թեկնածուներ։ Այս մասին այսօր հրավիրված ասուլիսում հայտարարեց «Հայաքվե» միավորման ներկայացուցիչ Ավետիք Չալաբյանը։
«Այո, մեզ իրականում ելք էլ չեն թողնում։ Մենք կմասնակցենք արդեն որպես գործընթացի անմիջական մասնակիցներ, ոչ ոպես դիտորդներ»,- ասաց նա, կարևորելով այն հանգամանքը, որ այս ընթացքում 500-ից ավելի դիտորդներ են պատրաստել, որոնք ոսկե ռեսուրս են իրավական վերահսկողություն իրականացնելու համար։
«Մենք հիմա պետք է մտածենք, թե ինչպես անենք, որ այդ ամբողջ ներուժը, որն անհրաժեշտ է, որ երկրում օրինականությունը պահպանվի, քաղաքացու ձայնը պահպանվի, որ ընտորւթյունների նկատմամբ լինի վերահսկոություն իսկ արդյունքների նկատմամբ լինի վստայհություն և այլ, որ այդ ամեն ինչը չփլուզվի։ Դա դեռ մինչև վերջ չգիտենք՝ ինչպես պիտի անենք, կմտածենք այդ մասին, ապագայում տեղյակ կպահենք»,- ասաց Ավետիք Չալաբյանը:
