Սպասում ենք ՌԴ մեր գործընկերների արձագանքին. վարչապետը՝ երկաթուղային կապի որոշ հատվածների վերանորոգման մասին (տեսանյութ)
Թուրքիայի և Ադրբեջանի հետ երկաթուղային կապի որոշ հատվածների վերանորոգման առումով Ռուսաստանի հետ որևէ հարց քննարկվե՞լ է: Լրագրողի այս հարցին ի պատասխան՝ ՀՀ վարչապետ Նիկոլ Փաշինյանը նշեց հետևյալը. «Հարցը քննարկվել է. նաև ՌԴ նախագահի հետ եմ ես առիթ ունեցել խոսելու, նաև Հայաստանի փոխվարչապետը Ռուսաստանի փոխվարչապետի հետ է առիթ ունեցել խոսելու: Մենք սպասում ենք ՌԴ մեր գործընկերների արձագանքին:
Ինչ վերաբերում է պատշաճ ժամկետներին, երեկվա իրադարձությունից հետո պատշաճ ժամկետը հիմա է, և մեր ցանկությունն է, որ դա հիմա արվի, որովհետև պրոցեսներ են տեղի ունենում, որոնց մասին կիրազեկվեք, և այդ պրոցեսները ենթադրում են, որ դա պետք է հնարավորինս արագ անել: Խնդրում ենք Ռուսաստանի մեր գործընկերներին, որ այս հարցով որոշում կայացնեն»:
