Հիբրիդային սպառնալիքները կարող են գալ տարբեր տեղերից. ՀՀ ԱԳ նախարար
Նախկին անվտանգային համակարգը չի աշխատել, և Հայաստանը սառեցրել է իր անդամակցությունը ՀԱՊԿ-ում։ Խոսելով անվտանգային համակարգի և հիբրիդային սպառնալիքների մասին՝ ասել է ՀՀ ԱԳ նախարար Արարատ Միրզոյանը:
Ինչ վերաբերում է Ռուսաստանից եկող հիբրիդային սպառնալիքներին, Միրզոյանը նշել է․
«Հիմա ինչ-որ մեկը կարող է ասել, որ ապատեղեկատվության կամ մանիպուլյատիվ ինչ-որ նարատիվների մի զգալի մաս չի՞ գալիս X ռուսաստանցի փորձագետից կամ հեռուստաալիքից կամ նույնիսկ պատգամավորից, դա ժխտել հնարավո՞ր է։ Փաստեր կան, հայտարարություններ կան, եթերներ՝ ձայնագրություններ կան։ Հետևաբար հիբրիդային սպառնալիքները կարող են գալ տարբեր տեղերից, այդ թվում նաև՝ Ռուսաստանից։ Դուք ինչո՞ւ եք անպայման հասկանում պետական, կենտրոնացված իշխանություն։
Այո՛, կան հիբրիդային սպառնալիքներ: Ինչ-որ երկրների մոտ, եթե կա կուտակված փորձ դրանց դեմ պայքարելու, մենք ուրախ կլինենք, և մենք դիմել ենք, որպեսզի այդ փորձով նաև մեզ հետ կիսվեն, մենք էլ կարողանանք։ Ես ասեմ նաև այս մեդալի հակառակ կողմը։ Մենք էլ, այնպես է ստացվել, որ վերջին չորս, հինգ, վեց տարիներին հիբրիդային պատերազմի պայմաններում ենք ապրել։
Մեր դեմ ինչքան հիբրիդային գործողություններ են, հարձակումներ են եղել, և մենք էլ մեր փորձը ունենք, և, այո՛, մենք էլ ուրախ կլինենք մեր փորձով կիսվել»։
Աղբյուրը՝ 1lurer.am
