Ուկրաինան ԱՄՆ-ին առաջարկել է Դոնբասում ստեղծել ազատ տնտեսական գոտի
Politico-ն, հղում անելով աղբյուրներին, հաղորդել է, որ ուկրաինական ճգնաժամը լուծելու ԱՄՆ վերջին ծրագրում Կիևի կատարած փոփոխությունները ներառում են Դոնբասում ազատ տնտեսական գոտու ստեղծում։
«Ուկրաինայի վերջին խաղաղության ծրագիրը նախատեսում է Դոնբասում ստեղծել ապառազմականացված «ազատ տնտեսական գոտի», որտեղ կարող են գործել ամերիկյան բիզնես շահերը»,- գրում է պարբերականը և նշում, որ այդկերպ Կիևը «փորձում է գրավել նախագահ Դոնալդ Թրամփին»:
Միևնույն ժամանակ, աղբյուրները «կասկածել են, որ Ռուսաստանը կաջակցի այս շաբաթ եվրոպացի առաջնորդների մասնակցությամբ մշակված ծրագրին»։
Ըստ թերթի անանուն աղբյուրի՝ եվրոպացիները նաև պլանավորում են «զորքեր ու հետախուզական սարքավորումներ տեղակայել Ուկրաինայում»։ Կոալիցիոն զորքերը «հանրապետության տարածքում կօգտագործեն անօդաչու թռչող սարքեր՝ համաձայնեցված ցանկացած խաղաղության ծրագիր վերահսկելու համար» և չնայած կլինեն Ուկրաինայի տարածքում, նրանք «չեն ծառայի առաջնագծում»։
