Ռուսաստանը միշտ արել է հնարավորը՝ հայ-ադրբեջանական կարգավորման համար. Շոյգու
Ռուսաստանը միշտ արել է հնարավորը հայ-ադրբեջանական կարգավորման համար՝ հայտարարել է ՌԴ Անվտանգության խորհրդի քարտուղար Սերգեյ Շոյգուն: Նրա խոսքով՝ շատերի մոտ կարող է տպավորություն ստեղծվել, որ ԱՄՆ-ը միակ երկիրն է, որն արդեն ութ կամ ինը հակամարտություն է կարգավորել աշխարհում:
«Իհարկե, Ռուսաստանի ներդրումը Հայաստանի և Ադրբեջանի միջև դեռևս մինչև վերջ չկարգավորված հարաբերությունների կարգավորման գործում էական է, և Ռուսաստանն էական ներդրում է ունեցել Անդրկովկասում խաղաղության հաստատման գործում»,- ասել է ՌԴ Անվտանգության խորհրդի քարտուղարը ԱՊՀ գործընկերների հետ հանդիպումից հետո:
Շոյգուն դրական է արտահայտվել երկրների միջև ցանկացած հաղորդակցության բացման, այդ թվում՝ Հայաստանի տարածքով Նախիջևանն ու Ադրբեջանը միացնելու ճանապարհի մասին, սակայն «Թրամփի երթուղի» անվանումը որակել է «էկզոտիկ»:
