Սերժ Սարգսյանը մինչև 2018 թվականը բջջային հեռախոս չի ունեցել. Աղազարյան
ՀՀ ԱԺ «Քաղաքացիական պայմանագիր» խմբակցության պատգամավոր Ջուլիետա Ազարյանը գրառում է կատարել.
«Պատկերացնում եք, պարզվում է Սերժ Սարգսյանը մինչև 2018 թվականը բջջային հեռախոս չի ունեցել, և անգամ իր սիրելի լրագրողները չեն հավատում առաջին հայացքից և ճշտող հարց են տալիս. «Լավ, իսկ մարդկանց հետ ո՞նց էիք կապվում»։
Պատասխանը՝ դասական Սերժ-սթայլով․
«Խուսափում էի ավելորդ կոնտակտներից, դրա համար օգնականներ կային»։
Չէ, բայց մի պահ եկեք մտածենք թե այս պատասխանը ինչքան կարևոր բանի մասին է հուշում. մարդիկ «ավելորդ կոնտակտներ էին», սարսափելի ծանր բեռ… պատկերացրեք՝ զանգեն, ինչ–որ բան ուզեն, խնդիր ասեն… անհնար է, չէ՞։
Ակամայից պատկերացրի իրավիճակ, երբ օրինակ՝ Ս.Ս.-ին որևէ բարձրաստիճան պաշտոնյա ցանկացել է հրատապ հարց զեկուցել կամ առաջարկ փոխանցել, կամ որևէ բան խնդրել իր համայնքի զարգացման նպատակով , իսկ Ս.Ս-ը ցանկություն չի ունեցել «ավելորդ» կոնտակտ ունենալ։
Եվ իհարկե, էս ֆոնին կզարմանան հիմա շատերը վարչապետի շփումների և հասանելիության մասշտաբից՝ սեփական ժողովրդի հետ, բայց սա է նորմալը, սա է ճիշտը, սա է ազնիվը ու սա է բնականը»։
