ԱՄՆ պետքարտուղարությունը հաստատել է Հնդկաստանին Javelin հակատանկային հրթիռային համակարգերի վաճառքը
ԱՄՆ պետքարտուղարությունը հաստատել է Հնդկաստանին Javelin հակատանկային հրթիռային համակարգերի և Excalibur կառավարվող հրետանային արկերի վաճառքը: Գործարքի ընդհանուր արժեքը կազմում է 93 միլիոն դոլար:
Օգոստոսին ամերիկյան մաքսատուրքերի բարձրացման պատճառով կողմերի միջև հարաբերությունների սրումից ի վեր Հնդկաստանն առաջին անգամ է պաշտպանական սարքավորումներ գնում ԱՄՆ-ից:
ԱՄՆ Պաշտպանական անվտանգության համագործակցության գործակալության տվյալով՝ Հնդկաստանի իշխանությունները խնդրել են գնել մինչև 216 Excalibur մարտավարական արկ և 100 Javelin համակարգ: Հնդկաստանն արդեն օգտագործում է Excalibur հրետանային զինամթերք իր M-777 հաուբիցներում:
