Թուրքիան կշարունակի աջակցել Ադրբեջանին՝ հետևելով «մեկ ազգ, երկու պետություն» սկզբունքին. Էրդողան
Անկարան կշարունակի աջակցել Ադրբեջանին՝ հետևելով «մեկ ազգ, երկու պետություն» սկզբունքին՝ հայտարարել է Թուրքիայի նախագահ Ռեջեփ Էրդողանը կառավարության նիստից հետո: Նա վերահաստատել է Հարավային Կովկասում կայունության և տնտեսական զարգացման ապահովման՝ Անկարայի հանձնառությունը։
Էրդողանն անդրադարձել է նաև Վրաստանի տարածքում Թուրքիայի ռազմաօդային ուժերի ինքնաթիռի կործանմանը, նշել՝ Վրաստանի և Ադրբեջանի իշխանությունները սերտորեն համագործակցել են Թուրքիայի հետ որոնողափրկարարական աշխատանքներում:
