Ղազախստանը մտադիր է ավելացնել իր տարածքով դեպի Ուզբեկստան ռուսական գազի տարանցումը. Տոկաև

Ղազախստանի նախագահ Կասիմ-Ժոմարտ Տոկաևը Ուզբեկստան կատարած պետական այցի ժամանակ հայտարարել է, որ Աստանան մտադիր է ավելացնել երկրի տարածքով դեպի Ուզբեկստան ռուսական գազի տարանցումը:

«Ռուսաստան-Ղազախստան-Ուզբեկստան գազային նախագիծը հաջող արդյունքներ է ցույց տալիս։ Համատեղ ջանքերով մենք մտադիր ենք ավելացնել գազի տարանցման ծավալները»,- ասել է Տոկաևը, հավելել՝ Ղազախստանն ու Ուզբեկստանը լավ հեռանկարներ ունեն նավթի և ատոմային արդյունաբերության ոլորտում համագործակցության ընդլայնման համար:

2023 թվականի հունիսին Ուզբեկստանը «Գազպրոմ»-ի հետ գազի գնման պայմանագիր է կնքել, Ղազախստանի տարածքով Ուզբեկստան ռուսական գազի մատակարարումները սկսվել են 2023 թ. հոկտեմբերին։ Ղազախստանի էներգետիկայի նախարարության տվյալների համաձայն՝ Ղազախստանի տարածքով 2024 թվականին փոխադրվել է 5,6 մլրդ խմ գազ։ 2025 թվականին նախատեսվում է տարանցման ծավալներն ավելացնել մինչև 7,3 մլրդ խմ, իսկ մինչև 2038 թվականը այն հասցնել 11 մլրդ խմ-ի։