Մոսկվան չի ցանկանում դադարեցնել պատերազմը. Թրամփ
Լրագրողների հետ զրույցում ԱՄՆ նախագահ Թրամփը և Հունգարիայի վարչապետ Օրբանն անդրադարձել են ռուս-ուկրաինական հակամարտությանը: Հունգարիայի վարչապետի ձևակերպմամբ՝ իր երկիրը միակն է Եվրոպայում, որ ձգտում է խաղաղության, քանի որ եվրոպական մյուս կառավարությունները դեռ հավատում են, որ Ուկրաինան կարող է հաղթել։
Թրամփն էլ հայտարարել է, որ Մոսկվան չի ցանկանում դադարեցնել պատերազմը, միևնույն ժամանակ հույս է հայտնել, որ ի վերջո հնարավոր կլինի հասնել խաղաղության: Ինչ վերաբերում է Բուդապեշտում Թրամփ-Պուտին հնարավոր հանդիպմանը՝ ԱՄՆ նախագահը չի բացառել, որ այն տեղի կունենա, երբ դրա համար պայմաններ կստեղծվեն, և կարևոր արդյունքներ կտա:
