Չինական, հնդկական և թուրքական նավթավերամշակման գործարանները կրճատում են ռուսական նավթի ներմուծումը. Bloomberg

Bloomberg-ի տվյալով՝ Չինաստանի պետական Sinopec-ը և PetroChina-ն արդեն չեղարկել են ՌԴ-ից հումքի մի շարք գնումներ: Նրանք նաև շարունակում են ձեռնպահ մնալ գնումներ անելուց։ Կազմակերպություններին միացել են նաև փոքր մասնավոր նավթավերամշակման գործարաններ՝ վախենալով «Ռոսնեֆտի» և «Լուկօյլի» դեմ ԱՄՆ պատժամիջոցներից: Դա արդեն պատահել է Shandong Yulong Petrochemical նավթաքիմիական ընկերության հետ, որը հայտնվել է Մեծ Բրիտանիայի և ԵՄ-ի սև ցուցակում։

Գնորդների գործադուլի քայլն ազդել է Չինաստան ռուսականնավթի արտահանման գրեթե 45%-ի վրա, գնահատում է Rystad Energy-ն:

Ամերիկյան պատժամիջոցներիպատճառով ռուսական նավթի գնումները դադարեցրել են նաև մի շարք հնդկական նավթավերամշակման ձեռնարկություններ, այդ թվում՝ Mangalore Refinery and Petrochemicals-ը, HPCL-Mittal Energy-ն և Reliance Industries-ը: Երկրի խոշորագույն նավթավերամշակող Indian Oil-ը, սակայն, կարճ դադարից հետո վերսկսել է Urals տեսակի նավթի ներմուծումը այն ընկերություններից, որոնք պատժամիջոցների տակ չեն հայտնվել:

Խնդիրների են հանդիպել նաև թուրքական նավթային ընկերությունները: Երկրի ամենամեծ՝ STAR նավթավերամշակման գործարանը, որը գրեթե բացառապես օգտագործում էր ռուսական նավթ, սկսել է խմբաքանակներ գնել Իրաքից և Ղազախստանից՝ դեկտեմբեր ամսվա մատակարարումների համար: Tupras խոշոր թուրքական նավթավերամշակման գործարանն էլ որոշել է ամբողջությամբ դադարեցնել ռուսական նավթի օգտագործումն իր գործարաններից մեկում՝ ԵՄ-ին վառելիք վաճառելու հնարավորությունը պահպանելու համար։