Բուլղարիան դադարեցնում է վառելիքի արտահանումը Ռուսաստանի դեմ պատժամիջոցների պատճառով
Բուլղարիան ժամանակավորապես դադարեցնում է դիզելային և ավիացիոն վառելիքի արտահանումը, այդ թվում՝ դեպի ԵՄ այլ երկրներ, ԱՄՆ նախագահ Թրամփի վարչակազմի կողմից «Ռոսնեֆտ»-ի և «Լուկoյլ»-ի դեմ սահմանված պատժամիջոցների ֆոնին՝ հաղորդում է dpa-ն:
Պարբերականը հիշեցնում է, որ բուլղարական Բուրգաս քաղաքից ոչ հեռու գտնվում է «Լուկօյլ-Նեֆտոխիմ» նավթավերամշակման գործարանը: Ավելին՝ ռուսական ընկերությունն այդ երկրում կառավարում է բենզալցակայանների ցանցը: Պատժամիջոցները վերաբերում են նրա բոլոր բուլղարական ակտիվներին:
Իշխող կոալիցիայի անդամները վստահեցրել են, որ երկիրն ունի վառելիքի բավարար պաշարներ մի քանի ամիսների համար: Արտահանումը դադարեցնելու օրինագծին աջակցել է խորհրդարանի 135 անդամ, դեմ է քվեարկել չորսը, իսկ ձեռնպահ՝ 42-ը:
Բուլղարիան աջակցել է մինչև 2027 թվականի վերջը ռուսական գազի արտահանումից հրաժարվելու վերաբերյալ Եվրամիության ծրագրին։ Ընդ որում՝ հենց այդ երկրի տարածքով է անցնում «Թուրքական հոսք»-ը՝ վերջին խողովակաշարը, որով Ռուսաստանից գազը մղվում է ԵՄ։ Սա նշանակում է, որ Հունգարիան և Սլովակիան կզրկվեն Ռուսաստանից այն գնելու հնարավորությունից՝ գրել Է Politico պարբերականը:
