ՔՊ-ի երիտասարդական կառույցի անդամ Ռաֆայել Ջուլհակյանը ձեռնադրվել է դպիր 2018 թվականին․ Անդրիասյան
Ֆեյսբուքյան օգտատեր Արման Անդրիասյանը արձագանքել է սոցիալական ցանցերում տարածված պնդումներին, ըստ որոնց՝ «Քաղաքացիական պայմանագիր» կուսակցության երիտասարդական կառույցի անդամ Ռաֆայել Ջուլհակյանը իբր Հովհաննավանքում ծառայել է որպես «կեղծ դպիր»։
«Սոցիալական ցանցերում որոշ անհատների կողմից տարածվել է ապատեղեկատվություն՝ իբրև ՔՊ Երիտասարդական կառույցի անդամ Ռաֆայել Ջուլհակյանը Հովհաննավանքում ծառայել է որպես «կեղծ դպիր»։
Տեղեկացնում եմ, որ տվյալ պնդումը բացարձակապես չի համապատասխանում իրականությանը։
Ռաֆայելը դպիր է ձեռնադրվել սահմանված կարգով՝ Տեր Զարեհ քահանա Աշուրյանի միջնորդագրով,
2018 թվականին, Արարատյան հայրապետական թեմի առաջնորդական փոխանորդ Տեր Նավասարդ արքեպիսկոպոս Կճոյանի ձեռամբ։
Հետևաբար, ցանկացած հրապարակում կամ հայտարարություն, որը հակասում է վերը նշված փաստերին, պետք է դիտարկվի որպես կեղծ տեղեկություն և միտումնավոր վարկաբեկման փորձ»,-գրել է Անդրիասյանը և կցել տեսանյութ:
