Քրդստանի աշխատավորական կուսակցությունը հայտարարել է Թուրքիայից իր զինված ուժերի դուրսբերման մասին
Քրդստանի աշխատավորական կուսակցության (PKK) ղեկավարությունը հայտարարել է, որ իր զինված ուժերը դուրս է բերոմ Թուրքիայից և տեղափոխում Հյուսիսային Իրաք: Հայտարարությունը տարածել է կուսակցությանը կից ANF լրատվական գործակալությունը:
Հայտարարության մեջ ընդգծվում է, որ այդ քայլը ձեռնարկվել է Քրդստանի աշխատավորական կուսակցության և Թուրքիայի կառավարության միջև խաղաղության գործընթացի շրջանակում: Այն նաև կոչ է անում Անկարայի կառավարությանը կատարել խաղաղության համաձայնագրի իր մասը և ընդունել քրդերի ինտեգրման մասին օրենքները:
Թուրքիայի իշխող «Արդարություն և զարգացում» կուսակցությունը (AKP) ողջունել է երկրից PKK-ի զինված ուժերի դուրսբերման մասին հայտարարությունը՝ այն համարելով «կարևոր փուլ ահաբեկչության դեմ պայքարում»:
Մայիսին PKK-ի ղեկավարությունը հայտարարել էր կուսակցության կազմակերպչական կառուցվածքը լուծարելու և «զինված պայքարի մեթոդների կիրառումը դադարեցնելու» որոշման մասին՝ համաձայն ցմահ բանտարկության դատապարտված կուսակցության առաջնորդ Աբդուլլահ Օջալանի կոչի: Հուլիսին PKK-ն սկսել էր զինաթափման գործընթացը:
