Թուրքիան վերջին 13 տարվա ընթացքում առաջին անգամ դեսպան է նշանակել Սիրիայում. NTV
Թուրքիան վերջին 13 տարվա ընթացքում առաջին անգամ դեսպան է նշանակել Սիրիայում: Դամասկոսում դիվանագիտական ծառայության է անցել Թուրքիայի փոխարտգործնախարար Նուh Յըլմազը: NTV հեռուստաալիքի փոխանցմամբ՝ այդ մասին հայտարարել է Թուրքիայի արտգործնախարար Հաքան Ֆիդանը:
Սիրիայում թուրքական դեսպանատունը փակվել էր 2012 թվականին և աշխատանքը վերսկսել էր միայն նախորդ տարվա վերջին՝ Սիրիայում տեղի ունեցած իշխանափոխությունից հետո:
Յըլմազը նախկինում ծառայել է Հաքան Ֆիդանի ղեկավարած Ազգային հետախուզական կազմակերպությունում։ Լրատվամիջոցների տվյալով՝ նախագահ Ռեջեփ Էրդողանը դեռ չի ստորագրել դեսպանի նշանակման հրամանագիրը:
