Մայր Աթոռը տանում է բախման. ակնհայտ է՝ կիրակի կարող են փակել եկեղեցին, արգելել մարդկանց ներս մտնել. Սաֆարյան
Քաղաքագետ Ստյոպա Սաֆարյանը «Ֆեյսբուք»-ի իր էջում գրառում է կատարել՝ անդրադառնալով Տեր Եսայի քահանա Արթենյանի՝ ավելի վաղ արած հայտարարությանը:
Ըստ Սաֆարյանի՝ Մայր Աթոռը իրավիճակը տանում է բախման:
«Մայր Աթոռը տանում է բախման, և ակնհայտ է, որ կիրակի օրվան ընդառաջ քայլ են կատարելու, որը ակնհայտ է պատարագին մասնակցող N թվով մարդկանց գրգռելու ու լարվածություն է ստեղծելու։
Դա ընդհուպ կարող է լինել եկեղեցու բանալիները փոխելու կամ դռները փակելու տեսքով, երբ N թվով մարդկանց ու կարգալույծ հռչակված քահանային արգելեն ներս մտնել կամ մոտենալ խորանին։
Իշխանությունները պարտավոր են հաշվարկել այս ամենը, եթե որոշել են վարչապետի մակարդակով մասնակցել Հովհաննավանքում հայտարարված պատարագին։ Եկեղեցու ներսում ու տարածքում որևէ անշնորհք դրսևորում չպետք է լինի»,- գրել է Սաֆարյանն ու հրապարակել Տեր Եսայիի հարցազրույցի մի հատվածի տեսապատճենը:
Նշենք՝ այդ հարցազրույցում Տեր Եսայի քահանա Արթենյանը հայտարարել է, որ «Բոլոր օրինական ճանապարհներն օգտագործվելու են առաջիկա կիրակի՝ հոկտեմբերի 26-ին, Հովհաննավանքում՝ հոգևոր-աղոթական կյանքը վերականգնելու և եկեղեցում ծառայող օրինավոր քահանայի կողմից Սուրբ պատարագ մատուցելու համար:
