ԵՄ-ն ողջունում է Ադրբեջանի կողմից Հայաստան բեռների տարանցման սահմանափակումների վերացումը․ Գրոնո
Եվրամիությունն աջակցում է Ադրբեջանի և Հայաստանի միջև խաղաղ կարգավորման ուղղությամբ ձեռնարկվող դրական քայլերին, այդ թվում՝ Ադրբեջանի կողմից Հայաստան ապրանքների տարանցման բոլոր սահմանափակումների վերացմանը, հայտարարել է Հարավային Կովկասում ԵՄ հատուկ ներկայացուցիչ Մագդալենա Գրոնոն։
«Ժնևում Ադրբեջանի և Հայաստանի խոսնակների հանդիպումը ոգեշնչող է։ ԵՄ-ն ողջունում է Շիրակ-Կարս երկաթուղային գծի վերականգնման վերաբերյալ Հայաստան-Թուրքիա հանդիպման նախապատրաստական աշխատանքները», – ասել է Գրոնոն։
Նա նշել է, որ Երևանում նախատեսվում են կլոր սեղաններ քաղաքացիական հասարակության փորձագետների հետ և հայտնել ԵՄ-ի պատրաստակամությունը աջակցել երկրների միջև վստահության ամրապնդմանն ուղղված բոլոր նախաձեռնություններին և լրացուցիչ միջոցառումներին:
