Գազելները բերել շարել եք հրապարակում, որ ինչ անեք. Քնարիկ Հարությունյան
Գյումրու ավագանու «Քաղաքացիական պայմանագիր» խմբակցության անդամ Քնարիկ Հարությունյանը ֆեյսբուքյան գրառումներով անդրադարձել է ինչպես տրանսպորտի, այնպես էլ քաղաքում գործող մի շարք մանկապարտեզների աշխատանքի դադարեցմանը:
«Գազելները բերել շարել եք հրապարակում, որ ինչ անեք, ու հազարավոր մարդկանց թողել եք կանգառներում կանգնած։ Թե դեռ «ձեր դուքյանը» կարգախոսով եք առաջնորդվու՞մ»,– գրել է նա։
Հարությունյանը նաև նշել է, որ Գյումրու «Գոհար», «Լիլիթ», «Թոռնիկ Մանուշակ» և «Ձյունիկ» մանկապարտեզների դռները փակ են աշխատանքային օրվա աշխատանքային ժամին, հավելելով, որ մանկապարտեզների աշխատակիցներին ստիպել են մասնակցել հավաքների։
«Բազմաթիվ այսպիսի ահազանգեր ունենք»,– նշել է ավագանու անդամը։
Հիշեցնենք, որ ժամեր առաջ ձերբակալվել են Գյումրու քաղաքապետ Վարդան Ղուկասյանը և ևս ութ անձինք։
