Մենք խաղաղություն ենք ուզում, իսկ Պուտինը՝ ոչ. Զելենսկի
Դոնալդ Թրամփի հետ հանդիպումից հետո Ուկրաինայի նախագահը պատասխանել է լրագրողների հարցերին:
Անդրադառնալով հարցին, թե ինչ զիջումների է պատրաստ Կիևը և արդյոք կհրաժարվի ՆԱՏՕ-ին անդամակցության հեռանկարից՝ Վոլոդիմիր Զելենսկին պատասխանել է՝ այժմ ամենակարևորը հրադադարի հասնելն է:
«Մենք խաղաղություն ենք ուզում, իսկ Պուտինը՝ ոչ: Մենք պատրաստ ենք ցանկացած ձևաչափով բանակցությունների»,- շեշտել է Զելենսկին։
Ինչ վերաբերում է եվրատլանտյան ինտեգրմանը, Ուկրաինայի նախագահն ընդգծել է՝ Կիևի համար շատ ավելի կարևոր են անվտանգության հուսալի երաշխիքները։ Զելենսկին հավելել է, որ այժմ ամենադժվարը տարածքների հարցն է։
