Հայաստանը ողջունել է Գազայում հրադադարի համաձայնագիրը. ՀՀ ԱԳՆ
Այս մասին նշված է ՀՀ արտաքին գործերի նախարարության X-ի միկրոբլոգում տարածված գրառման մեջ։
«Մենք ողջունում ենք Գազայում հրադադարի համաձայնագիրը, որը նաև ապահովում է պատանդների ազատ արձակումը և մարդասիրական օգնության ազատ մուտքը, որը ձեռք է բերվել Միացյալ Նահանգների նախագահ Դոնալդ Թրամփի գլխավորած միջնորդների անխոնջ ջանքերի շնորհիվ»,-ասված է ՀՀ արտաքին գերատեսչության գրառման մեջ։
Հայաստանի ԱԳՆ-ն նաև հույս է հայտնել, որ այս համաձայնագիրը ճանապարհ կհարթի Մերձավոր Արևելքում երկարատև խաղաղության և կայունության հաստատման համար։
