«Հայաստանը բացառիկ գործընկեր է»,- հայտարարել է ԱՄՆ եվրոպական հրամանատարության (EUCOM) բրիգադային գեներալ Քուեյդ Քուադրին
Գերմանիայի Շտուտգարտ քաղաքում հայ լրագրողների հետ զրույցում նա նշել է, որ երկկողմ հարաբերությունները երբեք այսքան ամուր չեն եղել։
Գեներալի հիմնական շեշտադրումները՝
Վաշինգտոնյան համաձայնագիրը։ Սա «առաջին և ամենամեծ քայլն էր տարածաշրջանում խաղաղություն և բարեկեցություն հաստատելու ուղղությամբ»։ Այն բացում է երկխոսության նոր դաշտ։
Տարածաշրջանի կարևորությունը։ Հարավային Կովկասը բնութագրվել է որպես «մշակութային խաչմերուկ և առևտրային հանգույց», որը կապում է Եվրոպան և Ասիան։
«Արծիվ գործընկեր 2025»։ Զորավարժությունների պլանավորումը երբեմն ավելի արժեքավոր է, քան բուն զորավարժությունը։ Համագործակցության հարցում կարևոր է որակը, ոչ թե քանակը։
Քաղաքականությունն Ադրբեջանի նկատմամբ։ ԱՄՆ-ն կշարունակի «հավասարության մոտեցումը մեր ընկերների հետ»։
