Հեռացող վարչապետ Լըկորնյուն փորձում է Ֆրանսիան փրկել պառակտումից. Euronews
Սեբաստիան Լըկորնյուն, թողնելով վարչապետի պաշտոնը, փորձում է Ֆրանսիային հնարավորություն տալ խուսափելու քաղաքական ճգնաժամի հերթական փուլից՝ հայտնում է Euronews-ը։
Հեռացող վարչապետին մեկ օր է մնացել երկրի քաղաքական ուժերի հետ բանակցությունների համար, որոնց համար նրան խնդրել է նախագահ Մակրոնը: Լըկորնյուն խոստացել է «մինչև չորեքշաբթի երեկո» տեղեկացնել նախագահին, թե կա արդյոք կոնսենսուսի հնարավորություն։ Քաղաքական գործիչը պետք է եզրակացնի, թե որքանով է հնարավոր ներկա պայմաններում երկրում «մշակել գործողությունների և կայունության հարթակ»: Խոսքն այս պահին խորհրդարանի լուծարումից խուսափելու մասին է, գրում է Euronews-ը։Բանակցությունների ձախողման դեպքումՄակրոնը խոստացել է պատասխանատվություն ստանձնել և հայտարարել խորհրդարանի արտահերթ ընտրություն անցկացնելու մասին:
Երեքշաբթի Լըկորնյուն հրավիրել էր քաղաքական ուժերի առաջնորդներին ու խորհրդարանի երկու պալատի խոսնակներին՝ առաջարկելով կենտրոնանալ երկու հարցի վրա՝ երկրի բյուջեի և Նոր Կալեդոնիա անդրծովյան տարածքի ապագայի: Նա հայտնելէ, որ զրուցակիցները համաձայնության են եկել այդ առաջնահերթությունների շուրջ՝ ցուցաբերելով «արագ լուծում գտնելու պատրաստակամություն»։
Լըկորնուն նաև պլանավորել է մինչև չորեքշաբթի առանձին բանակցություններ վարել յուրաքանչյուր կուսակցության հետ։ Այնուամենայնիվ, ոչ բոլորն են պատրաստ հանդիպել նրա հետ։ Հրավերը մերժել են «Ազգային միաբանություն» աջակողմյան պոպուլիստները և ձախ արմատական «Անհնազանդ Ֆրանսիայի» առաջնորդները։
