ՀԷՑ-ում «ծանոթ-բարեկամների» հաստիքները փակվել են․ 2 ամսում խնայլվել է ավելի քան 15 մլն դրամ. Հասմիկ Հակոբյան
ԱԺ պատգամավոր Հասմիկ Հակոբյանը իր ֆեյսբուքյան էջում գրել է, որ տարիներ շարունակ քաղաքացիները էլեկտրաէներգիայի սակագնի մեջ ավելին են վճարել՝ ոչ թե իրական ծառայությունների, այլ ՀԷՑ-ի նախկին ղեկավարության և սեփականատերերի շրջապատի «ծանոթ-բարեկամների» բարձր աշխատավարձերի համար։
«Պարզվում է, սպառած էլեկտրաէներգիայի համար մենք վճարել ենք մի քիչ ավելի, որպեսզի ՀԷՑ-ի բարերար սեփականատերերի եւ նախկին բարձր ղեկավարության ոչինչ չանող ծանոթ-բարեկամները բարձր աշխատավարձ ստանան։
Այժմ այդ հաստիքներն ազատ են ու այլևս չեն համալրվելու, քանի որ նախկինում դրանք որևէ գործառույթ, պարտականություն չեն ունեցել։
Արդյունքում՝ 2 ամսվա ընթացքում ունենք ավելի քան 15մլն դրամի խնայողություն, որն, ի դեպ, որպես հավելավճար՝ տրվել է ցածր աշխատավարձ ստացող հարյուրավոր հսկիչների, տեխնիկների, փականագործների, բանվորների, տեսուչների և այլն։
Ինչու եմ ասում, որ հոսանք սպառող քաղաքացիներն են վճարել ավելի շատ, քանի որ մեր վճարած սակագինը ներառում է այս աշխատավարձերը։
Այ սենց բարերար բաներ, բայց սեփական ծանոթ-բարեկամների համար»,-գրել է պատգամավորը։
