Հայաստան–Ադրբեջան. կողմերը վերահաստատել են պատրաստակամությունը խաղաղության ամրապնդման ուղղությամբ

Կողմերը վերահաստատել են պատրաստակամությունը շարունակելու աշխատանքը Հայաստանի և Ադրբեջանի միջև խաղաղության հետագա ամրապնդման ուղղությամբ։

Հայաստանի վարչապետը և Ադրբեջանի նախագահը կարևորել են տարածաշրջանում տրանսպորտային հաղորդակցության դրական ազդեցությունը, քննարկել են Ադրբեջանի տարածքում ենթակառուցվածքների զարգացման ծրագրերը և Հայաստանի տարածքում «TRIPP» նախագծի առաջընթացը, ինչպես նաև մտքեր են փոխանակել Վաշինգտոնի հռչակագրի իրագործման շուրջ։

Կողմերը կարևորել են վստահություն ձևավորող միջոցառումների իրականացման անհրաժեշտությունը և պայմանավորվել շարունակել շփումները։

Այս մասին հայտնել է ՀՀ վարչապետի մամուլի քարտուղար Նազելի Բաղդասարյանը։