Կոտայքի մարզի Բուժական գյուղում շահագործման հանձնվեց նոր մանկապարտեզ. Խուդաթյան
ՀՀ ՏԿԵ նախարար Դավիթ Խուդաթյանը Կոտայքի մարզի Նաիրի համայնքում մասնակցել է երեք մանկապարտեզների բացման հանդիսավոր արարողությանը, որոնք կառուցվել են ՀՀ Կառավարության «300 դպրոց, 500 մանկապարտեզ» ծրագրի շրջանակներում։
Բուժական բնակավայրում երկհարկանի, ամբողջությամբ նոր այս մանկապարտեզն արդեն գործում է։
Մանկապարտեզը նախատեսված է 120 երեխայի համար, սակայն այս պահին հաճախում է շուրջ 70 երեխա:
Մանկապարտեզի հարակից տարածքները բարեկարգվել են, կառուցվել են երեխաների համար նախատեսված խաղահրապարակներ։
