Ուկրաինական կողմը հայտնել է ենթակառուցվածքներին ռուսական հարվածների մասին
Վիննիցայի շրջանում ռուսական ուժերը հարձակվել են կրիտիկական ենթակառուցվածքի օբյեկտի վրա՝ հայտնել է շրջանի վարչակազմի ղեկավարի առաջին տեղակալ Նատալյա Զաբոլոտնայան: Նրա խոսքով՝ հարձակման հետևանքով ժամանակավորապես դադարեցվել է գնացքների երթևեկությունը, ավելի ուշ՝ վերականգնվել, տուժածներ և վիրավորներ չկան:
Ենթակառուցվածքներ են վնասվել նաև Զապորոժիեի շրջանում։ Վարչակազմի ղեկավար Իվան Ֆյոդորովի խոսքով՝ առանց էլեկտրականության է մնացել մարզկենտրոնի շուրջ 9 հազար բաժանորդ։ Զապորոժիեում մասամբ ավերվել է նաև ագրոտեխբիզնես խանութի շենքը:
Ռուսական անօդաչու թռչող սարքերը հարվածել են նաև Օդեսայի շրջանի երկաթուղային ենթակառուցվածքին: Նշվում է, որ տուժածներ չկան: Գնացքների շարժն արդեն վերականգնվել է:
