Երևանի ու Բաքվի միջև կարգավորման գործընթացը դրական դեր կխաղա ԱՊՀ-ում երկրների մասնակցության համար. Պանկին
Ռուսաստանի արտաքին գործերի փոխնախարար Ալեքսանդր Պանկինը հերքել է այն ենթադրությունները, թե ԱՊՀ-ում Հայաստանի և Ադրբեջանի անդամակցությունը սպառնալիքի տակ է:
«ԱՊՀ-ին անդամակցությունը կամավոր սկզբունքով է»,- հավելել է դիվանագետը: ՌԴ փոխարտգործնախարարը նշել է, որ Հայաստանն ու Ադրբեջանը բավական հաճախ են միանում համատեղ հայտարարություններին ու տարբեր մակարդակներում ընդունվող փաստաթղթերին, ինչը վկայում է երկու երկրի հարաբերությունների կարգավորման մասին:
Պանկինը հույս է հայտնել, որ կարգավորման գործընթացը նույնպես դրական դեր կխաղա ԱՊՀ-ում երկրների հետագա մասնակցության համար:
