ՄԱԿ-ում աշխատանքն է սկսել Գլխավոր ասամբլեայի 80-րդ նստաշրջանը

Նստաշրջանի նախագահ, Գերմանիայի նախկին արտգործնախարար Անալենա Բերբոքը բացել է լիագումար նիստը՝ իր ելույթում խոստանալով անաչառ կատարել իր պարտականությունները։

Բերբոքը որպես 80-րդ նստաշրջանի առանցքային իրադարձություններից մեկն առանձնացրել է ՄԱԿ-ի գլխավոր քարտուղարի առաջիկա ընտրությունները։ Համաշխարհային կազմակերպության ներկայիս ղեկավար Անտոնիու Գուտերեշի լիազորությունները լրանում են 2026 թվականի վերջին։ 

Իսկ արդեն այս ամսին՝ սեպտեմբերի 23-ից մինչև 27-ն ընկած ժամանակամիջոցում կայանալիք բարձր մակարդակի շաբաթվա, ինչպես նաև սեպտեմբերի 29-ին ՄԱԿ-ի Գլխավոր ասամբլեայի շրջանակներում կանցկացվեն ընդհանուր քաղաքական քննարկումներ, որոնց ընթացքում նախատեսվում են 195 պատվիրակությունների ելույթներ: