Երևանի ավագանու մանկապարտեզը. մեր անունից, բայց մեր դեմ
«Ազգային առաջընթաց» խմբակցության ղեկավար Հայկ Գրիգորյանը ֆեյսբուքյան իր էջում գրառում է կատարել. Երևանի քաղաքապետարանի "Ազգային առաջընթաց" խմբակցությունը դա մենք ենք` Ազգային առաջընթաց կուսակցության հիմնադիրներն ու անդամները, իսկ Հայկ Մարությանը և նրա կողմից նշանակված խմբակցության ղեկավարը, որոնք մեր ցուցակով ընտրվել են ավագանի, որևէ կապ չունեն այդ խմբակցության բուն էության հետ, այսինքն` նրանց ելույթները, խոսքերը, գրառումները կամ հայտարարությունները մեր անունից չեն, այլ Մարությանի անունից են կամ իրանց նոր ուժի անունից։
Կից այս գործընթացի մասնակիցների անունները ու իրենց ընդունած որոշման տակ դրված ստորագրությունները։
Այսուհետ` Ազգային Առաջընթաց Կուսակցություն ու խմբակցության անունից հայտարարությունները չխառնեք մարությանական ելույթների հետ։
Այս մարությանական խմբակը դեմ է հանդես եկել մեր գրեթե բոլոր նախաձեռնություններին, այդ թվում` Երևանի աղաքապետ Ավինյանի իմպիչմենթի նախաձեռնություններին, դրա փոխարեն նրանք ուժ ու եռանդ չեն խնայում ինձ` մեր խմբակցությունից հեռացնելու անհաջող փորձեր անելու համար, վերջերս խնդրել են Ավինյանի աշխատակազմին, որ ինձ տեղափոխեն նիստերի դահլիճի ամենավերջ, հանեն ինձ հանձնաժողովներից, հանձնարարել են խմբակցության փորձագետներին չկատարել իմ հանձնարարությունները, փոխել են սենյակի բանալին, որ ես չկարողանամ քաղաքացիների ընդունելություն կազմակերպեմ և այլն։
Կարճ ասած` մանկապարտեզ։
Այսինքն` այս մարդիկ ընտրողների քվե են ստացել, որ պայքարեն իմ դեմ, ոչ թե Ավինյանի դեմ։ Հասկանում եք՞ 😃
Հասկանում եք, թե ինչ մակարդակի հարցերով են զբաղվում սրանք ՞ 😄
Ազգային առաջընթացի անունից խոսելու իրավունք չունեն մարդիկ, ովքեր հեռու են թե ազգային ու թե առաջընթաց բառերի էությունից:
