Էլեկտրական հեծանիվը վրաերթի է ենթարկել իտալական Կոմոյի քաղաքապետին։
Իտալական Կոմո քաղաքի քաղաքապետ Ալեսանդրո Ռապինեզեն արգելել է հեծանիվների շարժը պատմական կենտրոնի նշանակալի հատվածում։ Քաղաքապետն իր որոշումը բացատրել է, որ վերջերս իրեն հարվածել է էլեկտրական հեծանիվ, և նա սեփական փորձով է հասկացել խնդրի լրջությունը։
Կոմոն զբոսաշրջիկների շրջանում մեծ ժողովրդականություն վայելող քաղաք է։
Նոր կանոնները Կոմոյում սկսելու են գործել սեպտեմբերից։ Քաղաքի կենտրոնական մասում գտնվող շուրջ 30 փողոցներ ընդգրկող տարածքում հեծանվորդները պետք է տեղաշարժվեն ոտքով՝ հեծանիվները քշելով իրենց կողքով։
«Մարդիկ գործում են սեփական փորձի հիման վրա, և ես հիմա գիտեմ, թե ինչ է լինում, երբ քեզ վրաերթի է ենթարկում այս հրեշներից մեկը»,- ասել է Ռապինեզեն Ansa լրատվական գործակալությանը։
Ռապինեզեն պատմել է, որ այս տարվա հուլիսին դուրս է եկել քաղաքապետարանի շենքից, որտեղ հենց նոր քննարկվում էր քաղաքի կենտրոնում երթևեկության նոր սահմանափակումների ներդրումը, և իրեն հարվածել է էլեկտրական հեծանիվ։
«Այս դեպքում ինձ նույնիսկ հարկ չեղավ հիվանդանոց գնալ։ Ինձ վրաերթի ենթարկեց հեծանիվը։ Ես ստացա տեղեկատվությունը, ուստի և ծնվեց նման որոշում»,- ասել է քաղաքապետը։
Արգելքը վերաբերում է ոչ միայն էլեկտրական, այլև՝ ցանկացած հեծանիվի։
