Փամբակ գետում դի է հայտնաբերվել:
Փրկարարները ներկայումս միջոցներ են ձեռնարկում դին գետից դուրս բերելու ուղղությամբ:
Կտրվի լրացուցիչ տեղեկատվություն:
Հիշեցնենք՝ օրեր առաջ Փամբակ գետում ՆԳՆ փրկարար ծառայության ջրասուզակը հայտնաբերել էր հունիսի 15-ից որոնվող՝ 2013 թվականին ծնված Մարինե Մարտիրոսյանի մարմինը։
Տեղեկացնենք նաև՝ հունիսի 17-ին՝ ժամը 9։30-ի սահմաններում, Փամբակ գետում՝ ենթադրյալ դեպքի վայրից մոտ 500 մ հեռավորության վրա, հայտնաբերվել էր որոնվող՝ 2018 թվականին ծնված Նարե Մարտիրոսյանի մարմինը։
Ավելի վաղ՝ հունիսի 15-ին՝ ժամը 14։45-ին, Լոռու մարզային օպերատիվ կառավարման կենտրոն ահազանգ էր ստացվել երեխայի խեղդվելու վերաբերյալ։ Այնուհետև՝ ժամը 17։05-ին, ստացվել էր մեկ այլ ահազանգ, որ 7 և 13 տարեկան երկու երեխա Վանաձոր քաղաքի Նարեկացու փողոցի հասցեներից մեկից դուրս են եկել և չեն հասել նախատեսված վայր։
