Հայաստանում հունիսի 7-ի ընտրությունների արդյունքները վիճարկելու գործով ՍԴ որոշման հրապարակման վերջնաժամկետը հուլիսի 4-ն է
Հայաստանում հունիսի 7-ին կայացած ընտրությունների արդյունքները վիճարկելու գործով Սահմանադրական դատարանի որոշման հրապարակման վերջնաժամկետը հուլիսի 4-ն է։
Սահմանադրական դատարանի նախագահ Արման Դիլանյանը նկատեց, որ գործով որոշում կայացնելու համար ՍԴ-ն քիչ ժամանակ ունի, հետևաբար առաջարկեց նիստ անցկացնել նաև առաջիկա ոչ աշխատանքային օրը՝ հունիսի 27-ին, իսկ այդ նիստի ընթացքից պարզ կդառնա՝ կիրակի ևս նիստ գումարելու անհրաժեշտություն կլինի՞, թե՞ ոչ։
Հիշեցնենք՝ ՍԴ-ն այսօր սկսել է հունիսի 7-ին անցկացված խորհրդարանական ընտրությունների արդյունքները վիճարկելու գործի քննությունը։
Ընտրությունների արդյունքները վիճարկելու հարցով Սահմանադրական դատարան էին դիմել «Ուժեղ Հայաստան» կուսակցությունների դաշինքը, «Միասնության թևեր» կուսակցությունը, «Դեմոկրատիա, օրենք, կարգապահություն» կուսակցությունը, «Բարգավաճ Հայաստան» կուսակցությունը, «Հանուն Հանրապետության» կուսակցությունը, «Հայաստան» կուսակցությունների դաշինքը և «Նոր ուժ» ռեֆորմիստական կուսակցությունը։
